Янак Купала - Хлопчык і лётчык — Беларуская Літаратура - кароткі змест/ Краткое содержание

Янак Купала - Хлопчык і лётчык

— Мой мілы таварыш, мой лётчык,
Вазьмі ты з сабою мяне!
Я — ведай — вялікі ўжо хлопчык
I ўмею ўжо лётаць у сне.

Мне мама сягоння казала,
Што стукнула мне ўжо сем год.
Табе гэта, можа, і мала,
А мне ляцець толькі ў палёт.

Мне ўжо надакучыла дома —
У дзіцячы хадзі адно сад.
А так паглядзеў бы, вядома,
На іншы парадак і лад.

Вазьмі ж мяне, лётчык, хачу я
Пабыць у людзях, паглядзець,
Як месяц на небе начуе,
Як блукае ў лесе мядзведзь,

Як свецяцца ночкаю зоры,
А днём не відаць іх чаму,
Як рэчкі ў далёкія моры
Улетку плывуць і ўзіму.

На моры зірнуць хоць раз вокам,
Як ходзяць па іх караблі,
Ляцеці далёка, высока
Ды так пабываць і ў Крамлі...

Вось гэтак у добрым здароўі
Мы будзем ляцець і ляцець.
Вазьмі ж мяне, лётчык, з сабою,
Не будзеш ты клопату мець!


Похожие статьи:

Янка КупалаДраматургічнае майстэрства Янкі Купалы

Янка КупалаПаўлінка. Мастацкія асаблівасці камедыі

Янка КупалаГрамадзянская лірыка Янкі Купалы перыяду станаўлення беларускай дзяржаўнасці

Янка КупалаІдэйны змест паэмы Купалы "Тарасава доля".

Янка КупалаІдэйны змест паэмы Янкі Купалы "Бандароўна".

БИОГРАФИИ
Паэт Беларусі
Пісьменнік Беларусі
Пісьменнік Беларусі
Пісьменнік Беларусі
Пісьменнік Беларусі