Алесь Салавей - Тысяча дзевяцьсот...


Немінучасці — натхнёны
ход.
Крочыць Новы, неўнікнёны
год.

Час плыве, шле з дальных рэйдаў
блік,
піша ў небе белай крэйдай
лік.

Крэсліць: тысяча і дзевяць
сот...
З пражытога ймкне у неведзь
стод.

Рэшту лікаў затуляе
ён,
а на першых свой стаўляе
плён.

Гэта — дзён мінулых выхрыст
«V»,
а на доле злы антыхрыст —
«гаў!»

«V» паказвае атомам
шлях,
на антыхрыста стагромам —
бах!..

I зляцеў з маіх павекаў
сон.
Бачу: спомірснаму веку —
скон.

Велікома йдзе ўва ўсеведзь
год,
Новы — тысяча і дзевяць
сот...

1946

 

Похожие статьи:

Алесь СалавейТам, на пякельным таку, дзе цапамі малоцяць галовы...

Алесь СалавейАлесь Салавей - Ты

Алесь СалавейАлесь Салавей - Трыялет (Ты мне за ўсё найдаражэй...)

Алесь СалавейАлесь Салавей - Трыялет

БИОГРАФИИ
Паэт Беларусі
Пісьменнік Беларусі
Пісьменнік Беларусі
Пісьменнік Беларусі
Пісьменнік Беларусі